جبة (إخبارية جبة) ناجح الشوشان، عبدالرحمن الرويق، الجدعي عبيد : تغنى عدد من شعراء الرمال شعراً وذلك عقب الموقف الأخوي والصادق والذي قدمه لنا سعد عبيد البدهان الرمالي، عندما تبرع لصديقه أحمد القحطاني بكليته، ليسطر لنا أروع الأمثله في الإيثار ومعنى الصداقه الحقيقيه، في موقف لن يتكرر ولكنه جاء ليثبت لكافة الناس أن لازال الخير موجوداً والجميع يسعى للبذل فيه وهذا ماقام به سعد عبيد الرمالي ..
وننطلق مع هذه المشاعر الصادقه بقصيده للشاعر/ مناحي بن خفيج الرمالي جاء بها ..
جسدت معنى الصداقة يالشجاع الهمام
ضميرك الحي درس لميتين الضمير
انقذت في كليتك نفسٍ طواه الهيام
لبيت نخوة مريض شاخصٍ يستجير
الله نواله حياة وسخرك له شمام
يافرحتك يا ام احمد يوم جاك البشير
صبي قحطان جاه اللي تحيزم وقام
صبي شمر سعد ريف الخوي والقصير
أهل المكارم وأهل العفو وأهل السلام
روس الجبال انحنت لأفعالهم يالعشير
مني لك ازكى تحية يارفيع المقام
بك شمرٍ تفتخر شرفتها يالامير
-----------------------------------
وقال الشاعر خلف بن بشير العجلان
تاج الفخر عند الرجال المواجيب
اما كذا والا بلاش الصداقه
سعد هله كسابت المجد والطيب
كم ساقوا الارواح دون الرفاقه
-----------------------------------
وقال الشاعر/ محمد بن فهيد السحيمان في قصيده له ..
ياخوة البدهان والابلاشي
اهل الخوي جابوه يوم المصيبه
وسعد بن بدهان مليون عاشي
ابن الرجال اهل السطر ينتخيبه
اقدم على الموت الحمر يوم شاشي
متبرعن في كليته ياطبيبه
هدو لصبي قحطان والعمر ماشي
ماحسب لتالي حياته نصيبه
المعجزه سويت مابه نقاشي
واعجزت تاريخ العرب ياقريبه
الشعر في مدحك يجيه اندهاشي
والشاعر المطنوخ مدحك يثيبه
وش خانت الابيات سعره بلاشي
من لامدحك شرواك وش ينبغيبه
-----------------------------------
من جانبه شارك الشاعر / قرطان حبيب الرمالي بقصيده قال فيها ..
ياسعد يابو عبيد ياخو دليله
عز الخوي لا يامواريث ضرمان
الحمل والله فوق متنك تشيله
الطيب يابي صبر واقدام وايمان
يابن الأصيل اللي يخوف صهيله
هاذي كبيره والمخاليق شهدان
عسى حياتك يابن عمي طويله
تبقى بخير وعز في كل الأزمان
يوم الخوي جيته بحام المليله
قلت أبشر أبشر يامواريث قحطان
دونك حياتي جب مماتي بديله
والعمر تاليه الفنى يابن قحطان
تزعل علي سلمى واجا والرعيله
أن ماتبرعنا لكم يابن قحطان
ان مافعلته لك مانا بالقبيله
والله مجلس وسط ربعي بديوان
هاتو سريري واجضعوني بليله
حطو به الكلوه عسى يشفى الإنسان
الموت واحد واجلي الله كفيله
الا يجينا ياابن قحطان ديان
تقول ماخليك مافيك حيله
العز في رأسك شهر يابن بدهان
ابن الحمايل مايخلي زميله
جزاه عن الله حسانات واحسان
هاذي لنا مثل بروق المخيله
بيضاء لنا ترفع على سطح برزان
----------------------------------
واكمل الشاعر / قرطان حبيب الرمالي قوله في قصيده اخرى جاء بها ..
سعد ماخلا صبي قحطان
يوم انتخى بالرماليه
أعطيت روحك يابن بدهان
تقول للقبر تاليه
متبرعن له بليا اثمان
محدن دري بالعماليه
تفاخرو ربعه العيّان
أظهر فخر بالسعوديه
مهي غريبه على ضرمان
جده ماخلا مخاويه
أخو دليله جمل وحصان
يعتز راسي بطاريه
أفخر بطبيبه وانا قرطان
ويفخر بطيبه بناخيه
-----------------------------------
إلى ذلك شارك الشاعر/ صالح بن صلفيق الرمالي بقصيده قال فيها ..
اسمن على مسمى سعد يابن ضرمان
فـي خوتــك رفـعـت راس القبـيـلـه
يوم الخوي اللي من انساب قحطان
اشـرف عـلـى مـوتـه وقـرب رحـيـلـه
جاه السعد من فزعتك يابن بدهان
قـلـة وسـايـلـهم وجـيـت بـوسـيله
اهـديـتـه اللي ماتـقـدر بالأثـمـان
في كـليـتـك عـن كـلـيـته له بـديـلـه
كـسـبـت مـعـروفٍ عـلـى مر الأزمان
مـايـنـجـلـى جـيـلـن يـعـده لـجـيـلـه
وبـصـفـحة التاريخ سجلت عـنـوان
بـحـروف مــن مـى الـذهب تنقريله
خوت رمالي مـن صناديد عربان
ارداهــم اللي مايـهـاب الـثـقـيـلـه
-----------------------------------
ودّون الشاعر / تركي جديع الرمالي مشاركته الشعريه في قصيده قال بها ..
ياناس خالي خال هو طير شلوى
طير السعد خالي بالأفعال مطنوخ
شجاع راسي للمصايب وبلوى
من روس ربعن تلبس الطاس والجوخ
طيب وفي جزل المعاني تحلوى
أجداده البدهان فريس وشيوخ
فوقن شهر في بيرق العز والوى
من خلقته والطيب بالرأس منسوخ
يقدم على الموت الحمر ماتجلوى
ماهو ضعيف القلب والجسم منفوخ
فدا بعمره تالي العمر يلوى
يحيا بها مصلوخ ويموت مصلوخ
خوينا مايشكي الحر صلوى
نرفعه فوق المتن مايسكن الكوخ
وخوينا برأس السنام يتعلوى
شلناه لو دونه مدافع وصاروخ
تشهد لنا مقدم عبيده وعلوى
من الساحل الغربي ليا شرق صلبوخ
خالي ملا بنكه من الطيب ملوى
وانا بناخيه من الموت مادوخ
-----------------------------------
وقد عبر الشاعر / بدهان بن عبيد البدهان عن مشاعره بقصيده قال بها ..
سلامتگ يابو عبيدٍ ولأباس
وياحي فعلك ياسلايل عميره
فعلك يشرفنا ونرفع به الراس
فزعت للي حايرٍ في مصيره
يامقدر الخوه وياطيب الساس
من لابتن دايم سيوفه شطيره
انشهد انه لابس الطيب بقياس
وش غير تقديمه جسده لعشيره
ياستاهل التتويج يستاهل الكاس
ياراعي الفزعات وقت العسيره
نادر شبيهك ياسعد بين ها الناس
الله من شرور الليالي يجيره
ويحق لي ياخوي ارفع بك الراس
فعل(ن)فعلته عم كل الجزيره
2